സാമ്പത്തിക പ്രതിസന്ധി തുടരുന്നതിനിടെ ഡോളരിനെതിരേ പാക് കറന്‍സിയുടെ മൂല്യം 255 രൂപയിലേക്ക് കൂപ്പുകുത്തി. ലോക നാണ്യ നിധിയില്‍-IMF- നിന്ന് കൂടുതല്‍ വായ്പ ലഭിക്കുന്നതിന് എക്‌സ്‌ചേഞ്ച് നിരക്കില്‍ അയവുവരുത്തിയതാണ് മുല്യം കുത്തനെ ഇടിയാന്‍ കാരണം. ഒറ്റദിവസംകൊണ്ട് മൂല്യം 24 രൂപ കുറഞ്ഞ് .

പ്രതിസന്ധി മറികടക്കാനായി ആവശ്യപ്പെട്ട പ്രകാരം കഴിഞ്ഞവര്‍ഷം ഐ എം എഫ് അനുവദിച്ച സഹായം ഉപാധി പാലിക്കാത്തതിനാൽ നൽകിയിരുന്നില്ല. ഈ 6.5 ബില്യണ്‍ ഡോളര്‍ സഹായം നേടിയെടുക്കാനുള്ള ശ്രമത്തിൻ്റെ ഭാഗമായാണ് എക്സ്ചേഞ്ച് നിരക്കിൽ അയവ് വരുത്തിയത്.

ഐഎംഎഫില്‍ നിന്ന് സഹായം തേടുന്ന ഡോളറിനെതിരെ കൂപ്പുകുത്തിയ രാജ്യങ്ങള്‍ തങ്ങളുടെ വിനിമയ നിരക്ക് നിശ്ചയിക്കുന്നതില്‍ കമ്പോള ശക്തികളെ കൂടുതല്‍ പങ്ക് വഹിക്കാന്‍ അനുവദിക്കുന്നതിന് സമ്മര്‍ദ്ദം നേരിടുന്നുണ്ട്. കഴിഞ്ഞ വര്‍ഷം പാകിസ്ഥാന്‍ ഒരു ജാമ്യം നേടിയപ്പോള്‍, ഐഎംഎഫ് ഫണ്ട് റിലീസ് വൈകിപ്പിക്കയായിരുന്നു.

ഇതുപ്രകാരം ഡോളര്‍-രൂപ നിരക്കിന്‍മേലുള്ള നിയന്ത്രണ പരിധി പാകിസ്ഥാനിലെ മണി എക്‌സ്‌ചേഞ്ച് കമ്പനികള്‍ ബുധനാഴ്ച മുതല്‍ എടുത്തുകളഞ്ഞു. കറന്‍സി നിരക്കിന്‍മേലുള്ള സര്‍ക്കാര്‍ നിയന്ത്രണം ഒഴിവാക്കാനും മാര്‍ക്കറ്റ് അനുസരിച്ച് നിരക്ക് നിര്‍ണയിക്കാനുമായിരുന്നു ഐഎംഎഫ് നിർദ്ദേശിച്ചത്.

കറന്‍സി ഇടിവില്‍ രാഷ്ട്രം ഐഎംഎഫ് ആവശ്യങ്ങള്‍ അനുസരിക്കാന്‍ തയ്യാറാണെന്ന് കാണിച്ചതിന് ശേഷം പാക്കിസ്ഥാന്റെ കെഎസ്ഇ-100 സൂചിക 2.4% ഉയര്‍ന്നിരുന്നു, അഞ്ച് മാസത്തിനിടയിലെ ഏറ്റവും ഉയര്‍ന്ന നിരക്കാണിത്,

വില പിടിച്ചു നിർത്താനാവാതെ പാകിസ്ഥാൻ

രാജ്യത്ത് ഭക്ഷ്യസാധനങ്ങളുടെ വിലയും കുത്തനെ വര്‍ധിക്കുകയാണ്. ഒരുകിലോ ധാന്യപ്പൊടിക്ക് 3000 രൂപ വരെയായി ഉയർന്നതായി റിപ്പോർട്ട് ഉണ്ട്. ഭക്ഷ്യക്ഷാമം രൂക്ഷമായതോടെ സാമ്പത്തിക പ്രതിസന്ധി പരിഹരിക്കാന്‍ അമേരിക്കയോടും പാക് സര്‍ക്കാര്‍ സഹായം അഭ്യര്‍ഥിച്ചിട്ടുണ്ട്.

മികച്ച പ്രകടനം പിന്നാലെ കൂപ്പു കുത്തൽ

കഴിഞ്ഞ വർഷം ഒക്ടോബറിൽ ലോകത്തിലെ ഏറ്റവും മികച്ച പ്രകടനം നടത്തിയ കറൻസിയായി  പാക്കിസ്ഥാൻ രൂപ ഉയർന്നു നിന്നിരുന്നു.  3.9 ശതമാനം നേട്ടമാണ് പാക്കിസ്ഥാൻ കറൻസി ഉണ്ടാക്കിയത്. ഒക്ടോബറിലെ ആദ്യ ആഴ്ചയിൽ മികച്ച പ്രകടനം കാഴ്ചവെക്കുന്ന കറൻസിയായി രൂപ മാറിയെന്ന് ആരിഫ് ഹബീബ് ലിമിറ്റഡ് റിസർച്ച് മേധാവി താഹിർ അബ്ബാസിനെ ഉദ്ദരിച്ച് അന്ന് വാർത്തകൾ വന്നു. ഒരു യുഎസ് ഡോളറിന് 219.92 എന്ന നിലവാരത്തിലാണ് അന്ന് പാക്കിസ്ഥാൻ രൂപയുടെ വിനിമയ മൂല്യം ഉണ്ടായിരുന്നത്. 

എം പി മാരുടെ ശമ്പളവും ഉദ്യോഗസ്ഥരുടെ അലവൻസുകളും തടഞ്ഞു

സര്‍ക്കാര്‍ എം.പിമാരുടെ ശമ്പളം 15 ശതമാനത്തോളം വെട്ടിക്കുറക്കാനും എം.പിമാരുടെ വിവേചനാധികാര പദ്ധതികള്‍ വെട്ടിച്ചുരുക്കാനും സര്‍ക്കാര്‍ തീരുമാനിച്ചു. ശമ്പളത്തോടൊപ്പം നല്‍കുന്ന അലവന്‍സുകള്‍ നിര്‍ത്തലാക്കാനും ആഢംബര വാഹനങ്ങള്‍ വാങ്ങുന്നതിനും വിദേശ സന്ദര്‍ശനങ്ങള്‍ക്കും വിലക്കേര്‍പ്പെടുത്തി. എല്ലാ മേഖലകളിലും 30 ശതമാനത്തോളം പെട്രോള്‍ ഉപയോഗം കുറക്കാനും തീരുമാനിച്ചിട്ടുണ്ട്.

വൈദ്യുതി വിതരണശൃംഖലയിലുണ്ടായ തകരാറുമൂലം തിങ്കളാഴ്ച രാജ്യത്ത് വൈദ്യുതി മുടങ്ങിയിരുന്നു. വൈദ്യുതി ഉപയോഗം കുറയ്ക്കാന്‍ ചന്തകളും ഷോപ്പിങ് മാളുകളും എട്ടരയ്ക്ക് അടയ്ക്കുന്നതുള്‍പ്പെടെയുള്ള തീരുമാനങ്ങള്‍ കഴിഞ്ഞമാസം നടപ്പാക്കിയിരുന്നു.

അദാനി ഗ്രൂപ്പിന്‍റെ ഓഹരി മൂല്യം പെരുപ്പിച്ച് കാണിക്കുന്നതാണെന്ന ഗവേഷണ റിപ്പോര്‍ട്ടില്‍ ഉറച്ചുനില്‍ക്കുന്നുവെന്ന് യുഎസ് ഫിാനന്‍ഷ്യല്‍ റിസര്‍ച്ച് സ്ഥാപനമായ ഹിന്‍ഡന്‍ബര്‍ഗ്. എല്ലാ രേഖകളും കയ്യിലുണ്ട് എന്നും വ്യക്തമാക്കിയതിന് പിറകെ നിയമനടപടി നേരിടാനുള്ള സന്നദ്ധതയും അറിയിച്ചു. രണ്ടാമതും റിപ്പോർട്ട് വിവരങ്ങൾ വന്നതോടെ വിദേശ ഇടപെടൽ എന്ന ആരോപണം ഉന്നയിച്ച് പ്രതിരോധിക്കാനുള്ള ശ്രമത്തിലാണ് അദാനി.

റിപ്പോര്‍ട്ടിന്‍റെ അവസാനം അദാനി ഗ്രൂപ്പിനോട് 88 ചോദ്യങ്ങള്‍ ചോദിച്ചിരുന്നു. എന്നാല്‍ 36 മണിക്കൂറായിട്ടും ഒരു ചോദ്യത്തിനും മറുപടി നൽകിയിട്ടില്ല. 106 പേജുള്ള വിശദമായ റിപ്പോർട്ടിനെ  ഗവേഷണം ഒന്നും നടത്താതെ തയ്യാറാക്കിയ റിപ്പോർട്ടെന്ന് വിശേഷിപ്പിച്ച അദാനി നിലപാടും പരിഹാസ്യമെന്ന് ഉയർത്തി കാട്ടി.

അദാനി ഗ്രൂപ്പിന്‍റെ ഓഹരി തട്ടിപ്പ് എണ്ണിപ്പറഞ്ഞുള്ള ഹിൻഡൻബർഗ് റിസർച്ചിന്‍റെ റിപ്പോർട്ട് പുറത്ത് വന്നതിന് പിന്നാലെ ഓഹരി വിപണിയിൽ കനത്ത തിരിച്ചടിയാണ്. ഒറ്റ ദിവസം ഏതാണ്ട് എഴുപത്തിനാലായിരം കോടി രൂപയുടെ ഇടിവാണ് ഓഹരി വിപണിയിൽ നിന്ന് അദാനി ഗ്രൂപ്പ് നേരിട്ടത്. അദാനിയുടെ ലിസ്റ്റ് ചെയ്ത കമ്പനികളെല്ലാം ഇടിവ് നേരിട്ടു. ചിലത് 8 ശതമാനത്തിലേറെ ഇടിവ് റിപ്പോർട്ട് ചെയ്തു.

ഹിൻഡൻബർഗ് റിപ്പോർട്ട് പുറത്ത് വന്നതിന് പിന്നാലെ നിക്ഷേപകർ ഓഹരികൾ വിറ്റഴിച്ച് തുടങ്ങിയപ്പോൾ തന്നെ അദാനി ഗ്രൂപ്പ് വാർത്താക്കുറിപ്പ് ഇറക്കിയിരുന്നു. റിപ്പോർട്ട് നുണയെന്ന് വാദിച്ചെങ്കിലും വീഴ്ച തടയാനായില്ല. ഇന്ന് രണ്ടാമതൊരു വാർത്താക്കുറിപ്പിറക്കിയപ്പോൾ അത് ഹിൻഡൻബർഗ് റിസർച്ചിനുള്ള മുന്നറിയിപ്പാണ്. നിയമ നടപടി ഉറപ്പെന്ന് അദാനി ഗ്രൂപ്പ് പറയുന്നു.

രാജ്യ സ്നേഹം മുന്നിൽ വെച്ച് അദാനിയും

ഓഹരി വിപണിയിൽ നിന്ന് 20000 കോടി രൂപ സമാഹരിക്കാനായി അദാനി എന്‍റെർപ്രസസിന്‍റെ FPO നാളെ നടക്കാൻ പോവുന്നു. ഇത് അട്ടിമറിക്കാനുള്ള ശ്രമമാണ് നടന്നത്. അനാവശ്യഭീതി നിക്ഷേപകരിലാകെ റിപ്പോർട്ട് ഉണ്ടാക്കി.വിദേശ ഇടപെടൽ അനുവദിച്ച് കൊടുക്കാനാകില്ലെന്നും  വാർത്താക്കുറിപ്പിൽ പറയുന്നു.

അദാനി ഗ്രൂപ്പിന്‍റെ ഓഹരി മൂല്യം പെരുപ്പിച്ച് കാണിക്കുന്നതാണെന്നാണ് ഹിൻഡൻബർഗ് റിസർച്ചിന്‍റെ പ്രധാന കണ്ടെത്തൽ. ഈ ഓഹരികൾ വച്ച് വൻ തുക വായ്പ എടുത്തെന്നും അദാനി കുടുംബത്തിന് വിദേശത്ത് ഷെൽ കമ്പനികളിൽ നിക്ഷേപമുണ്ടെന്നും റിപ്പോർട്ട് വെളിപ്പെടുത്തിയിരുന്നു. 12,000 കോടി ഡോളർ ആസ്തിയുള്ള ഗ്രൂപ്പ് ഇതിൽ 10,000 കോടി ഡോളറിലേറെ നേടിയത് ഇത്തരം കള്ളത്തരത്തിലൂടെയാണെന്നും 2 വർഷമെടുത്തു തയാറാക്കിയെന്ന് അവകാശപ്പെടുന്ന റിപ്പോർട്ട് പറയുന്നു.

റിപ്പോർട്ട് പുറത്തുവന്നതിനു പിന്നാലെ ഒറ്റ ദിവസം ഏകദേശം 90,000 കോടി രൂപയുടെ ഇടിവാണ് ഓഹരി വിപണിയിൽ അദാനി ഗ്രൂപ്പ് നേരിട്ടത്.

അന്തരിച്ച വിദേശകാര്യമന്ത്രി സുഷമാ സ്വരാജിനെ കുറിച്ച് മുന്‍ യു.എസ് വിദേശകാര്യസെക്രട്ടറി മൈക്ക് പോംപിയോയുടെ പുസ്തകത്തിലെ പരാമർശം വിവാദത്തിൽ. പരാമര്‍ശത്തെ അപലപിച്ച് ഇന്ത്യന്‍ വിദേശകാര്യമന്ത്രി എസ്. ജയശങ്കര്‍ മറുപടി നൽകി.

സുഷമാ സ്വരാജിനെ ഗൗരവമര്‍ഹിക്കുന്ന രാഷ്ട്രീയക്കാരിയായി താനൊരിക്കലും കണ്ടിട്ടില്ലെന്നാണ് പോംപിയോയുടെ പുസ്തകത്തിലെ പരാമര്‍ശം. അന്തസ്സില്ലാത്ത വാക്കുകളാണ് സുഷമയെ വിശേഷിപ്പിക്കാന്‍ പോംപിയോ ഉപയോഗിച്ചിരിക്കുന്നതെന്ന് ജയ്ശങ്കര്‍ മറുപടി നൽകി.

സുഷമാ സ്വരാജുമായി അടുത്ത ബന്ധമുണ്ടായിരുന്നു. ഞാന്‍ എപ്പോഴും അവരെ ബഹുമാനത്തോടെ കാണുന്നു. ജയ്ശങ്കര്‍ വ്യക്തമാക്കി. സുഷമയെ വിലയിരുത്താനായി അദ്ദേഹം ഉപയോഗിച്ച വാക്കുകളെ അപലപിക്കുന്നതായും ജയ്ശങ്കര്‍ കൂട്ടിച്ചേര്‍ത്തു.

“professional, rational, and a fierce defender of his boss and his country”.  എന്നാണ് ജയശങ്കറിനെ പുസ്തകത്തി വിശേഷിപ്പിച്ചത്. അതേ സമയം “goofball” and “heartland political hack”  എന്നീ വിശേഷണം സുഷമ സ്വരാജിനെതിരെ ഉപയോഗിച്ചു.

പോംപിയോ രചിച്ച തന്റെ പുസ്തകത്തിലൂടെയായിരുന്നു അദ്ദേഹത്തിന്റെ പരാമര്‍ശം.

Never Give an Inch: Fighting for the America I Love’ എന്ന ഗ്രന്ഥം ചൊവ്വാഴ്ചയാണ് പ്രകാശനം ചെയ്തത്.

ഇന്ത്യന്‍ വിദേശനയം രൂപീകരിക്കുന്നവരില്‍ സുഷമാ ഗൗരം അര്‍ഹിക്കുന്നില്ലായിരുന്നു. തുടര്‍ന്ന് താന്‍ മോദിയുടെ വിശ്വസ്തനായ അജിത് ഡോവലുമായാണ് കാര്യങ്ങള്‍ ചര്‍ച്ച ചെയ്തിരുന്നതെന്നും പോംപിയോ തന്റെ പുസ്തകത്തില്‍ വെളിപ്പെടുത്തുന്നു. അതേസമയം നിലവിലെ വിദേശകാര്യമന്ത്രി ജയ്ശങ്കറുമായി ആദ്യ കൂടിക്കാഴ്ചയില്‍ തന്നെ സൗഹൃദത്തിലായി. ഇംഗ്ലീഷ് ഉള്‍പ്പെടെ ഏഴുഭാഷകള്‍ ജയ്ശങ്കര്‍ സംസാരിക്കും. ഒരുകണക്കിന് തന്നേക്കാള്‍ മികച്ചയാളാണ് അദ്ദേഹമെന്നും പോംപിയോ പറയുന്നുണ്ട്.

2014 മുതൽ 2019 വരെ വിദേശ കാര്യ മന്ത്രിയായിരുന്നു സുഷമ സ്വരാജ്. 2019 ഓഗസ്റ്റിൽ അന്തരിച്ചു.