സുരേഷ് ഗോപി ബിജെപി സംസ്ഥാന കോർകമ്മിറ്റിയിലും നേതൃത്വത്തിലേക്കും എത്തുന്നുവെന്നത് വെറും പ്രചരണം എന്ന് വാർത്ത. സുരേഷ് ഗോപിയെ കോർകമ്മിറ്റിയിൽ ഉൾപ്പെടുത്തിയെന്നത് വെറും തള്ള് മാത്രമാണെന്ന് ഒരു വിഭാഗം കരുതുന്നു. അത്തരത്തിൽ ഒരു കത്തും കേന്ദ്രനേതൃത്വം അയച്ചിട്ടില്ല. പിന്നെ ഏത് കത്താണ് ഉദ്ദരിക്കുന്നത് എന്നാണ് ചോദ്യം.
സുരേന്ദ്രൻ സംസ്ഥാന അധ്യക്ഷസ്ഥാനം ഒഴിയുകയാണെങ്കിൽ പകരം സാധ്യത എതിർ ഗ്രൂപ്പ് നേതാവ് എം ടി രമേശിനാണ്. ഇത് ഒരു കാരണവശാലും നടക്കരുതെന്ന ആശ്യക്കാരും ഉണ്ട്. ഇതിന്റെ ഭാഗമായാണ് സുരേഷ് ഗോപിയെ മുൻ നിർത്തിയുള്ള വാർത്ത എന്നാണ് ആരോപണം.
മുമ്പ് അത്തരത്തിൽ നിർദേശം ദേശീയനേതാക്കൾ മുന്നോട്ടുവച്ചപ്പോൾ സുരേഷ് ഗോപിതന്നെ അത് തള്ളിയിരുന്നു. സംഘടനയിലെ സ്ഥാനമല്ല, സർക്കാരുമായി ബന്ധപ്പെട്ട പൊതുവായ സ്ഥാനങ്ങളിലാണ് താൽപ്പര്യമെന്നും അറിയിച്ചിരുന്നു. കേന്ദ്ര നേതൃത്വത്തിൻ്റെ അതൃപ്തി ഏത് നിലയിൽ പ്രതിഫലിക്കും എന്നതാണ് വാർത്തകൾക്ക് പിന്നിലുണ്ടായിരുന്നത്.
