നരബലി കേസിലെ ഒന്നാം പ്രതി ഷാഫിയും മൂന്നാം പ്രതി ലൈലയും ചേർന്ന് ലൈലയുടെ ഭർത്താവും കേസിലെ രണ്ടാം പ്രതിയുമായ ഭഗവലിനെ കൊലപ്പെടുത്താൻ പദ്ധതിയിട്ടിരുന്നുവെന്ന് പൊലീസ്. പൊലീസ് നടത്തിയ ചോദ്യം ചെയ്യലിൽ ലൈല തന്നെയാണ് ഇക്കാര്യം വെളിപ്പെടുത്തിയത് എന്നാണ് കുറ്റപത്രം.

ആദ്യ കൊലയ്ക്ക് ശേഷം തന്നെ ഭഗവൽ കടുത്ത മാനസിക സമ്മർദത്തിലായിരുന്നു. രണ്ടാം കൊല കൂടി നടന്ന ശേഷം ഭഗവൽ ഇക്കാര്യം ആരോടെങ്കിലും പങ്കുവയ്ക്കുമോ എന്ന പേടി ലൈലക്കും ഷാഫിക്കുമുണ്ടായിരുന്നു.

തുടർന്ന് ലൈലയും ഷാഫിയും ഭഗവലിനെ ഇല്ലാതാക്കാൻ പദ്ധതിയിടുകയായിരുന്നു. എന്നാൽ പദ്ധതി പ്രാവർത്തികമാക്കും മുൻപേ തന്നെ ലോട്ടറി കച്ചവടക്കാരിയായിരുന്ന പദ്മയുടെ തിരോധനം പൊലീസ് കേസായി. തുടർന്ന് അന്വേഷണം ഷാഫിയിലേക്കും ദമ്പതികളിലേക്കും എത്തി.

വയനാട് പനമരത്ത് നിന്ന് കാണാതായ വനിതാ എസ്.എച്ച്.ഒയെ കണ്ടെത്തി. ഇവർ തിരുവനന്തപുരത്ത് ഉണ്ടെന്ന് സ്ഥിരീകരിച്ചു. കെ.എ എലിസബത്തിനെ തിങ്കളാഴ്ച മുതലാണ് കാണാതായത്. ഒരു സുഹൃത്തിൻ്റെ വീട്ടിലായിരുന്നു എന്നാണ് കണ്ടെത്തിയത്. വയനാട് നിന്നുള്ള പോലീസ് സംഘം തിരുവനന്തപുരത്തേക്ക് പുറപ്പെട്ടിട്ടുണ്ട്. ഇവർ നാടുവിടാൻ ഇടയാക്കിയ കാരണം വ്യക്തമല്ല.

തിങ്കളാഴ്ച പാലക്കാട് ഫാസ്റ്റ് ട്രാക്ക് കോടതിയിലേക്ക് ഔദ്യോഗിക യാത്ര എന്നുപറഞ്ഞാണ് എലിസബത്ത് പനമരം സ്റ്റേഷനില്‍നിന്ന് ഇറങ്ങിയത്.

ഇവരുടെ ഔദ്യോഗിക നമ്പര്‍ ഉള്‍പ്പെടെ രണ്ട് മൊബൈല്‍ നമ്പറുകളും സ്വിച്ച് ഓഫ് ആയിരുന്നു. പാലക്കാട് ഇവരെ കണ്ടുവെന്നും കോഴിക്കോട് എ.ടി.എമ്മില്‍ നിന്ന് പണം പിന്‍വലിച്ചു എന്നീ വിവരങ്ങള്‍ പോലീസിന് ലഭിച്ചിരുന്നെങ്കിലും എലിസബത്ത് എവിടെയാണെന്ന് കണ്ടെത്താന്‍ കഴിഞ്ഞിരുന്നില്ല.

ബസിന്റെ വാതിലില്‍ കൈ കുടുങ്ങി വിദ്യാര്‍ഥിനിയുടെ കൈ ഒടിഞ്ഞു. കുട്ടി നിലവിളിച്ചിട്ടും കേൾക്കാതെ ബസ് ഓടിച്ചു പോയി. ഇതര യാത്രക്കാർ ബഹളം ക്ഷുഭിതരായപ്പോൾ മാത്രം നിർത്തി. ഇടതുകൈയ്ക്ക് പൊട്ടലേറ്റ നെടുംകുന്നം സെന്റ് തെരേസാസ് ഗേള്‍സ് ഹൈസ്‌കൂള്‍ പത്താംക്ലാസ് വിദ്യാര്‍ഥിനി കൂത്രപ്പള്ളി നെല്ലിപ്പള്ളിയില്‍ ജെസിന്ത സിറില്‍സ് (15) കറുകച്ചാലിലെ സ്വകാര്യാശുപത്രിയില്‍ ചികിത്സ തേടി.

വിവരം അറിയിച്ചിട്ടും അന്വേഷിക്കാൻ പൊലീസ് കൂട്ടാക്കിയില്ല. ആശപത്രി വിട്ടപ്പോൾ വീട്ടിൽ എത്താം എന്ന് വിളിച്ചറിയിക്കുക മാത്രം ചെയ്തു. ബസുകളുടെ നിയമ ലംഘനങ്ങൾക്ക് എതിരെ തുടർച്ചയായ പരാതി ഉയരുന്നതിനിടെയാണ് പൊലീസ് അനാസ്ഥ. സ്വകാര്യ ബസുകൾക്ക് എതിരായ പരാതിയിൽ പൊലീസിൻ്റെ മെല്ലെ പോക്ക് പരക്കെ അമർഷത്തിന് ഇടയാക്കിയിട്ടുണ്ട്.

തിങ്കളാഴ്ച വൈകീട്ട് നാലരയോടെ സെന്റ് തെരേസാസ് സ്‌കൂളിന് മുന്‍പില്‍ നിന്നാണ് കുട്ടി ചങ്ങനാശ്ശേരിയിലേക്ക് പോയ മോര്‍ണിങ്സ്റ്റാര്‍ ബസില്‍ കയറിയത്. തിരക്കിനൊടുവില്‍ അവസാനമായി കയറിയ ജെസിന്ത ഫുട്ബോഡില്‍ നില്‍ക്കുമ്പോള്‍ തന്നെ എയര്‍ഡോര്‍ അടയ്ക്കുകയും ബസ് മുന്നോട്ടെടുക്കുകയുമായിരുന്നു. ബാഗും ഇടതുകൈയ്യും ഡോറിന് പുറത്തായിരുന്നു. ഡോര്‍ അമര്‍ന്നപ്പോള്‍ കുട്ടിയും ഒപ്പമുണ്ടായിരുന്ന വിദ്യാര്‍ഥികളും നിലവിളിച്ചു. എന്നാല്‍ മുന്നൂറ് മീറ്ററോളം ബസ് നീങ്ങിയ ശേഷം യാത്രക്കാര്‍ ബഹളം വെച്ചതോടെയാണ് നിര്‍ത്തിയത്. വേദനകൊണ്ട് നിലവിളിച്ച ജെസിന്തയെ ബസ് ജീവനക്കാരും യാത്രക്കാരും ചേര്‍ന്ന് ആശ്വസിപ്പിച്ചു.

വൈകീട്ട് വീട്ടിലെത്തിയപ്പോള്‍ കുട്ടിയുടെ കൈയ്ക്ക് വേദന അനുഭവപ്പെട്ടു. തുടര്‍ന്ന് അമ്മ ഷീബ കുട്ടിയെ ആശുപത്രിയിലെത്തിച്ചു. പരിശോധനയില്‍ കുട്ടിയുടെ കൈയ്യുടെ എല്ലിന് പൊട്ടലുള്ളതായി കണ്ടെത്തി. ആശുപത്രിയില്‍ നിന്നും വിവരമറിയിച്ചതോടെ രാത്രിയില്‍ കറുകച്ചാല്‍ പോലീസ് ഷീബയെ വിളിച്ചിരുന്നു. കാര്യങ്ങള്‍ തിരക്കി ഫോണ്‍ വെച്ചതല്ലാതെ 24 മണിക്കൂര്‍ കഴിഞ്ഞിട്ടും പോലീസ് ഇതേപ്പറ്റി അന്വേഷിക്കുകയോ ആശുപത്രിയിലെത്തുകയോ ചെയ്തില്ലെന്നാണ് കുട്ടിയുടെ വീട്ടുകാര്‍ പറയുന്നത്. ഇത് സംബന്ധിച്ച് രണ്ടുപ്രാവശ്യം പോലീസ് സ്റ്റേഷനിലേക്ക് വിളിച്ചെങ്കിലും നിങ്ങള്‍ ഡിസ്ചാര്‍ജ് ആയില്ലല്ലോ എത്തിക്കോളാമെന്നായിരുന്നു പോലീസിന്റെ മറുപടിയെന്ന് ഷീബ പറഞ്ഞു.

വയനാട് പനമരം പോലീസ് സ്റ്റേഷനിലെ എസ്.എച്ച്.ഒ. കെ.എ. എലിസബത്തിനെ കാണാതായിതായി പരാതി. സ്റ്റേഷൻ സബ് ഇന്‍സ്‌പെക്ടറുടെ പരാതിയില്‍ പോലീസ് കേസെടുത്ത് അന്വേഷണം തുടങ്ങി. തിങ്കളാഴ്ചയാണ് എലിസബത്തിനെ കാണാതായത്.

തിങ്കളാഴ്ച ഉച്ചയ്ക്കുശേഷം പാലക്കാട് ഫാസ്റ്റ് ട്രാക്ക് സ്‌പെഷ്യല്‍ കോടതിയിലേക്ക് കോര്‍ട്ട് എവിഡന്‍സ് ഡ്യൂട്ടിക്ക് പോകുകയാണെന്ന് പറഞ്ഞാണ് എലിസബത്ത് സ്റ്റേഷനില്‍നിന്നിറങ്ങിയത്. വീട്ടിലും എത്തിയിട്ടില്ല. പിന്നീട് സ്റ്റേഷനിലെ ഉദ്യോഗസ്ഥര്‍ ഔദ്യോഗികനമ്പറിലേക്കും സ്വകാര്യനമ്പറിലേക്കും വിളിച്ചെങ്കിലും രണ്ടും സ്വിച്ച് ഓഫ് ചെയ്തിരിക്കുകയായിരുന്നു. അന്വേഷണത്തില്‍ പാലക്കാട് കോടതിയിലും ഇവര്‍ എത്തിയിട്ടില്ലെന്ന് വിവരം ലഭിച്ചു.

കോഴിക്കോട് മാനാഞ്ചിറയ്ക്ക് സമീപമുള്ള ഒരു പൊതുമേഖലാ ബാങ്കിന്റെ എ.ടി.എം. കൗണ്ടറില്‍ നിന്ന് തിങ്കളാഴ്ച രാവിലെ പണം പിന്‍വലിച്ചതായി വിവരം ലഭിച്ചിട്ടുണ്ട്. ചൊവ്വാഴ്ച രാത്രി വൈകിയും അവരുടെ മൊബൈല്‍ ഫോണില്‍ ബന്ധപ്പെടാന്‍ ശ്രമിച്ചപ്പോള്‍ സ്വിച്ച് ഓഫ് എന്ന സന്ദേശമാണ് ലഭിക്കുന്നതെന്ന് പോലീസ് അറിയിച്ചു. ബന്ധുക്കൾക്കും വിവരം ഒന്നും ലഭിച്ചിട്ടില്ല.