ജെ ഇ ഇ അഡ്വാൻസ്ഡ്, കട്ട് ഓഫ് മാർക്കിൽ ഇളവ്

ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐ.ഐ.ടി.) പ്രവേശന പരീക്ഷയായ ജോയൻറ് എൻട്രൻസ് എക്സാമിനേഷൻ (ജെ.ഇ.ഇ.) അഡ്വാൻസ്ഡ് ഫലം പ്രഖ്യാപിച്ചു. result.jeeadv.ac.in-ൽ ഫലം ലഭ്യമാണ്.

റാങ്ക് ലിസ്റ്റുകളിൽ സ്ഥാനംനേടാൻ ഇൻഫർമേഷൻ ബ്രോഷറിൽ നൽകിയ കട്ട് ഓഫ് മാർക്കിൽ ഇളവുവരുത്തി.

അന്തിമ ഉത്തരസൂചിക jeeadv.ac.in-ൽ ലഭിക്കും. പരീക്ഷ അഭിമുഖീകരിച്ച 1,55,538 പേരിൽ 40,712 പേർ യോഗ്യത നേടി (26.17 ശതമാനം).

പുതുക്കിയ കട്ട് ഓഫ് മാർക്ക്

ഓരോ വിഷയത്തിനും വേണ്ട പുതുക്കിയ കട്ട്‌ ഓഫ് മാർക്ക്, രണ്ടുപേപ്പറിനും കൂടി വേണ്ട പുതുക്കിയ കട്ട്‌ഓഫ് മാർക്ക്, റാങ്ക്പട്ടിക/കാറ്റഗറി അനുസരിച്ച് ഇപ്രകാരമാണ് (ശതമാനക്കണക്കിൽ): കോമൺ റാങ്ക് ലിസ്റ്റ് – 4.4 (ഓരോ വിഷയത്തിനും), 15.28 (രണ്ടു പേപ്പറിലും കൂടി) (യഥാക്രമം 10, 35 എന്നിങ്ങനെയാണ് ബ്രോഷറിൽ നൽകിയിരുന്നത്); ജനറൽ-ഇ.ഡബ്ല്യു.എസ്.; ഒ.ബി.സി.-എൻ.സി.എൽ. റാങ്ക് ലിസ്റ്റുകൾ -4, 13.89 (ബ്രോഷർ പ്രകാരം 9, 31.5); എസ്.സി., എസ്.ടി. റാങ്ക് പട്ടികകൾ, എല്ലാ വിഭാഗങ്ങളിലെയും പി.ഡബ്ല്യു.ഡി. റാങ്ക് പട്ടികകൾ -2.2, 7.78 (ബ്രോഷർ പ്രകാരം, 5, 17.5).