എയ്‌ഡഡ്‌ മെഡിക്കൽ കോളേജിലെ മാനേജ്‌മെൻ്റ് ക്വാട്ട പ്രവേശനത്തിൽ സമ്പൂർണ്ണ അധികാരം നേടാനായി എൻ.എസ്.എസ്. നൽകിയ ഹർജി സുപ്രീം കോടതിയും തള്ളി. എയ്‌ഡഡ്‌ ഹോമിയോ മെഡിക്കൽ കോളേജിലെ പതിനഞ്ച് ശതമാനം മാനേജ്‌മെന്റ് ക്വാട്ട സീറ്റിലേക്ക് നടക്കുന്ന പ്രവേശനത്തിൽ മാനേജ്മെൻ്റിന് ഇഷ്ടം പോലെ പ്രവേശനം നടത്താവുന്ന നിയമാവകാശത്തിനായിരുന്നു ശ്രമം. ജസ്റ്റിസുമാരായ ഡി.വൈ. ചന്ദ്രചൂഡ്, ഹിമ കൊഹ്‌ലി എന്നിവർ അടങ്ങിയ ബെഞ്ചാണ് ഹർജി തള്ളിയത്.

ഭേദഗതിയിലൂടെ സർക്കാർ പഴുതടച്ചു, സാധ്യത തേടി എൻ എസ് എസ്

2017ൽ പാസാക്കിയ കേരള മെഡിക്കൽ വിദ്യാഭ്യാസ നിയമഭേദഗതി ചോദ്യം ചെയ്താണ് എൻ.എസ്.എസ്. സുപ്രീം കോടതിയെ സമീപിച്ചത്. മാനേജ്മെൻ്റുകൾക്ക് ഇഷ്ടം പോലെ പ്രവേശനം നിയന്ത്രിക്കയും നിശ്ചയിക്കയും ചെയ്യാവുന്ന നിയത്തിലെ പഴുതാണ് സർക്കാർ ഭേദഗതിയിലൂടെ തടഞ്ഞത്.

ഭേദഗതിപ്രകാരം പതിനഞ്ച് ശതമാനം മാനേജ്‌മെന്റ് സീറ്റുകളിലേക്ക് നടക്കുന്ന പ്രവേശത്തിന് സംസ്ഥാന ഫീസ് നിർണയ സമിതിയുടെ അനുമതി ആവശ്യമാണ്. പ്രവേശനം നേടുന്ന വിദ്യാർത്ഥികളുടെ രേഖകളും മറ്റും പരിശോധിക്കാൻ സമിതിക്ക് അധികാരം ഉണ്ടായിരിക്കും.

എന്നാൽ എയ്‌ഡഡ്‌ കോളേജുകളിലെ പതിനഞ്ച് ശതമാനം സീറ്റുകളിലേക്ക് നടക്കുന്ന പ്രവേശനത്തിൽ തങ്ങൾക്ക് മാത്രമാണ് അധികാരം എന്നായിരുന്നു എൻ.എസ്.എസ്. വാദം.

മെഡിക്കൽ വിദ്യാഭ്യാസ മേഖലയിലെ എയ്‌ഡഡ്‌ കോളേജുകളേയും, അൺ എയ്‌ഡഡ്‌ കോളേജുകളേയും ഒരു പോലെ കാണാൻ കഴിയില്ലെന്ന് ആയിരുന്നു എൻ.എസ്.എസ്. നിലപാട്. ഈ വാദം അംഗീകരിക്കാൻ ഹൈക്കോടതിയും തുടർന്ന് സുപ്രീം കോടതി തയ്യാർ ആയില്ല.

എൻ.എസ്.എസ്. ജനറൽ സെക്രട്ടറിയും, സചിവോത്തപുരം എൻ.എസ്.എസ്. ഹോമിയോ കോളേജിന്റെ ചെയർമാനുമായ ജി. സുകുമാരൻ നായർ, കോളേജ് പ്രിൻസിപ്പൽ ഡോ. സി. ബിന്ദുകുമാരി എന്നിവരാണ് സുപ്രീം കോടതിയിൽ ഹർജി ഫയൽ ചെയ്ത്. കേരള മെഡിക്കൽ വിദ്യാഭ്യാസ നിയമഭേദഗതിയിലെ 2 (പി) വകുപ്പ് ചോദ്യം ചെയ്താണ് എൻ.എസ്.എസ്. സുപ്രീം കോടതിയെ സമീപിച്ചത്.

എയ്‌ഡഡ്‌ മെഡിക്കൽ വിദ്യാഭ്യാസ സ്ഥാപനങ്ങളിലെ മാനേജ്മെന്റ് ക്വാട്ട പ്രവേശനത്തിൽ നിയന്ത്രണം കൊണ്ട് വരുന്നത് ടിഎംഎ പൈ കേസിലെ വിധിയുടെ ലംഘനം ആണെന്നും എൻ.എസ്.എസിന്റെ അഭിഭാഷകർ സുപ്രീം കോടതിയിൽ ചൂണ്ടിക്കാട്ടി.

എൻ.എസ്.എസ്. നൽകിയ ഹർജി നേരത്തെ ഹൈക്കോടതി തള്ളിയിരുന്നു. സർക്കാർ പണം നൽകുന്ന എയ്‌ഡഡ്‌ മെഡിക്കൽ കോളേജുകളിലെ പ്രവേശന നടപടി ക്രമങ്ങളിൽ നിയന്ത്രണങ്ങൾ കൊണ്ട് വരാൻ സർക്കാരിന് അധികാരം ഉണ്ടെന്ന് ആയിരുന്നു ഹൈക്കോടതി വിധി.

എം ബി രാജേഷിന്റെ വകുപ്പുകള്‍ സംബന്ധിച്ച് തീരുമാനമായി. എം വി ഗോവിന്ദൻ പാർട്ടി സെക്രട്ടറിയായതിൽ പിന്നെ രാജിവെച്ച് ഒഴിഞ്ഞ വകുപ്പുകള്‍ തന്നെയാണ്. തദ്ദേശ വകുപ്പും എക്‌സൈസ് വകുപ്പുമാണ് എം ബി രാജേഷിന് ചുമതല

തദ്ദേശഭരണ, എക്‌സൈസ് വകുപ്പ് മന്ത്രിയായിരുന്ന എം വി ഗോവിന്ദന്‍ സിപിഐഎം സംസ്ഥാന സെക്രട്ടറിയായതോടെ രാജിവച്ച ഒഴിവിലേക്കാണ് എം ബി രാജേഷ് എത്തുന്നത്. രാജേഷ് രാജിവെച്ചതിനെ തുടര്‍ന്നുള്ള നിയമസഭ സ്പീക്കര്‍ തെരഞ്ഞെടുപ്പ് ഈ മാസം 12 ന് നടക്കും.ഇതിനായി പ്രത്യേക നിയമസഭ സമ്മേളനം വിളിക്കാനാണ് തീരുമാനം.

തൃത്താല മണ്ഡലത്തില്‍ നിന്നാണ് ഒറ്റപ്പാലം ചളവറ സ്വദേശിയായ എം ബി രാജേഷ് നിയമസഭയിലെത്തിയത്.

നാടുകടത്തേണ്ട വിദേശപൗരന്മാരെ താമസിപ്പിക്കാന്‍ കേരളത്തിൽ മൂന്ന് ട്രാന്‍സിറ്റ് ഹോമുകള്‍ തുടങ്ങും. വിവാദ പൌരത്വ പ്രശ്നങ്ങളിലോ കുറ്റ കൃത്യങ്ങളിലോ ഏർപ്പെടുന്ന ഇന്ത്യൻ പൌരത്വം തെളിയിക്കാൻ കഴിയാത്തവരെ പാർപ്പിക്കുന്നതിനുള്ള കേന്ദ്രങ്ങളാണ്.

ഇതിനായി വിചാരണ നേരിടുന്നവരെ താമസിപ്പിക്കാൻ ട്രാന്‍സിറ്റ് ഹോമുകളോ തടങ്കല്‍കേന്ദ്രങ്ങളോ ഹോള്‍ഡിങ് സെന്ററുകളോ സ്ഥാപിക്കണമെന്ന കേന്ദ്രനിര്‍ദേശത്തെത്തുടര്‍ന്നാണ് മന്ത്രിസഭയുടെ തീരുമാനം.

സംസ്ഥാന സാമൂഹ്യനീതി വകുപ്പിന്റെ കീഴിലാകും ട്രാന്‍സിറ്റ് ഹോമുകള്‍. അന്താരാഷ്ട്ര വിമാനത്താവളങ്ങളുള്ളതിനാല്‍ തിരുവനന്തപുരം, കൊച്ചി, കോഴിക്കോട് എന്നിവിടങ്ങളായിരിക്കും ഇവ സ്ഥാപിക്കുക. എ.സി. സൗകര്യത്തോടെയുള്ള താമസം, ജനറേറ്റര്‍സഹിതമുള്ള വൈദ്യുതി, ഇന്റര്‍നെറ്റ് ഉള്‍പ്പെടെയുള്ള വിനിമയസൗകര്യങ്ങള്‍, ഷെഫും അടുക്കളയും, ലോക്കര്‍, കുടുംബാംഗങ്ങളെ കാണാനും സ്വന്തം രാജ്യവുമായി ബന്ധപ്പെടാനുമുള്ള സൗകര്യം എന്നിവയെല്ലാം വാഗ്ദാനം ചെയ്താണ് കേന്ദ്രങ്ങൾ പണിയുന്നത്.

അസം സർക്കാർ ഇത്തരത്തിൽ കേന്ദ്രങ്ങൾ പണിതപ്പോൾ വലിയ വിവാദം ഉയർത്തിയിരുന്നു. ഒന്നര ലക്ഷം പേരെയാണ് പൌരത്വം ഇല്ലെന്ന് അവിടെ സർക്കാർ കണ്ടെത്തിയത്. നാസി കാലഘട്ടത്തിൽ പൌരൻമാരെ പീഡന കേന്ദ്രങ്ങളിലേക്ക് അയക്കുന്നതിനായി സൂക്ഷിച്ച ട്രാൻസിറ്റ് ഹോമുകൾക്ക് തുല്യമാണ് ഇവെയന്നായിരുന്നു വിശദീകരണം.

18 വയസ്സുവരെയുള്ള കുട്ടികളെ അമ്മമാരോടൊപ്പംതന്നെ താമസിപ്പിക്കും. പരാതികള്‍ കൈകാര്യംചെയ്യാന്‍ ജില്ലാ മജിസ്ട്രേറ്റ് അധ്യക്ഷനായി സമിതിയുണ്ടാകും.

പൌരത്വ നിയമം വരും മുൻപേ

• അനധികൃത കുടിയേറ്റക്കാര്‍
• നാടുകടത്തലിന് വിധേയരാക്കപ്പെട്ട വിദേശികള്‍
• വിദേശ സര്‍ക്കാരിന്റെ യാത്രാരേഖകള്‍ നല്‍കാത്തവര്‍
• വിമാനടിക്കറ്റ് ക്രമീകരിക്കുന്നതിലെ കാലതാമസംകാരണം ശിക്ഷാകാലയളവ് പൂര്‍ത്തിയാക്കിയതോ, കോടതി വെറുതേവിട്ടതോ, നാട്ടിലേക്ക് മടങ്ങിപ്പോകാന്‍ കാത്തിരിക്കുന്നതോ ആയ വിദേശികള്‍
• വ്യാജയാത്രാരേഖകള്‍ ചമച്ച് വരുകയും അടിയന്തര ചികിത്സാ ആവശ്യംകരുതി ലാന്‍ഡ് ചെയ്യാന്‍ അനുവദിക്കുകയും ചികിത്സകഴിഞ്ഞ് യാത്രാരേഖകള്‍ക്കായി കാത്തിരിക്കുകയും ചെയ്യുന്നവര്‍
• വിസക്കാലാവധി കഴിഞ്ഞും തങ്ങുന്നവര്‍
• വിസപ്രകാരം അനുവദനീയമല്ലാത്ത പ്രവര്‍ത്തനങ്ങളില്‍ ഏര്‍പ്പെട്ടവര്‍
• സംശയാസ്പദമായ പശ്ചാത്തലത്തിലോ അക്രമാസക്തമായ പെരുമാറ്റത്തിലെ തടവിലാക്കപ്പെട്ട വിദേശികള്‍