ബ്രിജ് ഭൂഷൻ ശരൺ സിങ്ങിനെതിരായ കുറ്റപത്രത്തിൽ പോലും പൊലീസ് വെള്ളം ചേർത്തതോടെ സത്യം തുറന്നു പറഞ്ഞ് സാക്ഷി മാലിക്. എല്ലാവർക്കും കാര്യം അറിയാമായിരുന്നു. പക്ഷെ ഭയം പിന്നോട്ട് വലിക്കുകയായിരുന്നു. പോക്സോ കേസിൽ നിന്നും അമിത് ഷായുമായുള്ള ചർച്ചയ്ക്ക് ശേഷം കുടുംബം പിൻമാറാനുള്ളകാരണവും അവർ വ്യക്തമാക്കി.

ദേശീയ ഗുസ്തി ഫെഡറേഷന്‍ തലവനും ബിജെപി എംപിയുമായ ബ്രിജ്ഭൂഷണെതിരെ സമരം ചെയ്യുന്ന ഗുസ്തി താരങ്ങള്‍ക്കെതിരെ ബിജെപി നേതാക്കള്‍ കക്ഷി രാഷ്ട്രീയവും ഉയർത്തിയിരുന്നു. ഇതിനെതിരായും അവർ തെളിവുകൾ നിരത്തി.

‘സത്യം’ ഇതാണെന്ന അടിക്കുറിപ്പോടെ ഭര്‍ത്താവും ഗുസ്തി താരവുമായ സത്യവര്‍ത് കാഡിയനൊപ്പമുള്ള വീഡിയോയില്‍ സമരം സംബന്ധിച്ച് സാക്ഷി മാലിക് വെളിപ്പെടുത്തലുകള്‍ നടത്തി. പ്രതിഷേധത്തിന്റെ തുടക്കം മുതല്‍ ഈ ദിവസംവരെയുള്ള കാര്യങ്ങളില്‍ യഥാര്‍ത്ഥത്തില്‍ സംഭവിച്ചത് എന്താണെന് വിശദീകരിച്ചുകൊണ്ടാണ് വീഡിയോ.

ബ്രിജ്ഭൂഷണെതിരായ ലൈംഗികാതിക്ര പരാതികളില്‍ എടുത്ത പോക്‌സോ കേസ് റദ്ദാക്കണമെന്നാവശ്യപ്പെട്ട് ഡല്‍ഹി പോലീസ് കോടതിയില്‍ അപേക്ഷ നല്‍കിയ സാഹചര്യത്തിൽ കൂടിയാണ് പ്രതികരണം. ബ്രിജ്ഭൂഷണെതിരെ പ്രായപൂര്‍ത്തിയാകാത്ത വനിതാ ഗുസ്തിതാരം ഉന്നയിച്ച ആരോപണം പിന്‍വലിച്ചെന്ന് ചൂണ്ടിക്കാട്ടി മതിയായ തെളിവില്ലെന്ന് പറഞ്ഞായിരുന്നു പോലീസ് നടപടി. പെണ്‍കുട്ടിയുടെ കുടുംബത്തിന് നേരെ ഭീഷണിയുണ്ടായെന്നും ഇതേ തുടര്‍ന്നാണ് മൊഴി മാറ്റിയതെന്നും സാക്ഷി വെളിപ്പെടുത്തി. പ്രായപൂര്‍ത്തിയാകാത്ത പെണ്‍കുട്ടിയടക്കം ഏഴ് വനിതാ താരങ്ങളായിരുന്നു ബ്രിജ്ഭൂഷണെതിരെ ആരോപണം ഉന്നയിച്ചത്.

സമരത്തെ ആദ്യം പിന്തുണച്ചത് ബി ജെ പി നേതാക്കൾ

സമരം രാഷ്ട്രീയ പ്രേരിതമാണെന്നും കോണ്‍ഗ്രസാണ് സമരത്തിന് പിന്നിലെന്നും ചില ബിജെപി നേതാക്കള്‍ ആരോപിച്ചിരുന്നു. ജനുവരില്‍ ജന്തര്‍ മന്ദറില്‍ സമരം നടത്തുന്നതിനുള്ള അനുമതി പത്രം സാക്ഷി മാലിക് പുറത്തുവിട്ടു. ബിജെപി നേതാക്കളായ തിരാത് റാണയും ബബിത ഫൊഗാട്ടുമാണ് സമരത്തിന് പോലീസില്‍ നിന്ന് അനുമതി എടുത്തതെന്നും സാക്ഷി മാലിക് വിശദീകരിച്ചു.

ഗുസ്തിയുമായി ബന്ധപ്പെട്ടുള്ള ഭൂരിപക്ഷം താരങ്ങള്‍ക്കും കോച്ചുമാര്‍ക്കും ഗുസ്തിഫെഡഫറേഷനിലെ പ്രശ്‌നങ്ങളെ കുറിച്ച് വ്യക്തമായി അറിയാമെന്നും അവര്‍ പറഞ്ഞു.

‘ഗുസ്തി സമൂഹത്തിലെലെ പല വ്യക്തികളും പ്രശ്നങ്ങള്‍ക്കെതിരെ ശബ്ദമുയര്‍ത്താന്‍ ആഗ്രഹിച്ചിരുന്നെങ്കിലും ഐക്യം ഇല്ലായിരുന്നു, മാത്രമല്ല അവരുടെ കരിയറിനെ പ്രതികൂലമായി ബാധിക്കുമെന്ന് ഭയപ്പെടുകയും ചെയ്തു’സാക്ഷി പറഞ്ഞു. ഗുസ്തിക്കാരുടെ പോരാട്ടം സര്‍ക്കാരിനെതിരെയല്ലെന്നും അവര്‍ കൂട്ടിച്ചേര്‍ത്തു.

ബ്രിജ് ഭൂഷൻ്റെ സ്വാധീനം അപാരം, താരങ്ങൾ ഭയന്നു

‘ഞങ്ങളുടെ പോരാട്ടം സര്‍ക്കാരിനെതിരല്ല, ഏഴോളം ഗുസ്തി താരങ്ങള്‍ ലൈംഗിക ആരോപണം ഉന്നയിച്ച ബ്രിജ്ഭൂഷണ്‍ സിങ്ങിനെതിരെയാണ്. ഇത്തരത്തിലൊരു ഗുരുതരമായ പ്രശ്‌നം ഉന്നയിക്കുന്നതില്‍ ഐക്യമില്ലായ്മയാണ് ഇത്രയും കാലം പുറത്ത് വരാന്‍ വൈകിയത്. പ്രായപൂര്‍ത്തിയാകാത്ത ഒരു കുട്ടിയുടെയും അവളുടെ കുടുംബത്തിന്റെയും സുരക്ഷയെക്കുറിച്ച് ഭയമുണ്ടായിരുന്നു, ഈ സമ്മര്‍ദ്ദം ഞങ്ങള്‍ക്ക് രണ്ടാമത്തെ വെല്ലുവിളിയായിരുന്നു. ഗുസ്തി താരങ്ങള്‍ എന്ന് പറയുന്നത് ഭൂരിപക്ഷം പേരും സാമ്പത്തികമായി ഏറെ പിന്നാക്കം നില്‍ക്കുന്ന കുടുംബങ്ങളില്‍പ്പെട്ടവരാണ്. ബ്രിജ്ഭൂഷണ്‍ സിങ്ങിനെ ശക്തനും ഭരണകക്ഷിയില്‍പ്പെട്ട വലിയ രാഷ്ട്രീയ സ്വാധീനവുമുള്ള ഒരു വ്യക്തിക്കെതിരെ പോരാടുക എന്ന് പറയുന്നത് അവര്‍ക്ക് വലിയ ആശങ്കയുണ്ടാക്കിയിരുന്നു’ സാക്ഷി പറഞ്ഞു.

സമരത്തിലുടനീളം തങ്ങളെ പിന്തുണച്ച വ്യക്തികള്‍ക്കും സംഘടനകള്‍ക്കും സാക്ഷിയും ഭര്‍ത്താവ് കാഡിയനും നന്ദി അറിയിച്ചു. സംയുക്ത കിസാന്‍ മോര്‍ച്ച, ഭീം ആര്‍മി നേതാവ് ചന്ദ്ര ശേഖര്‍ ആസാദ്, ജമ്മു കശ്മീര്‍ മുന്‍ ഗവര്‍ണര്‍ സത്യപാല്‍ മാലിക് എന്നിവരുടെ പേരെടുത്ത് പറഞ്ഞാണ് നന്ദി അറിയിച്ചത്.

മണിപ്പൂരിൽ നിന്നും കാണാനെത്തിയ പ്രതിപക്ഷ പാർട്ടികൾക്ക് സമയം നൽകാതെ പ്രധാനമന്ത്രി നരേന്ദ്ര മോഡി. മണിപ്പൂരിൽ നിന്നുള്ള പ്രതിപക്ഷസംഘം 3 ദിവസമായി ദില്ലിയിൽ തുടരുകയാണ്. പക്ഷെ ഇതുവരെ അനുമതി നൽകിയില്ല. എന്ന് കാണാൻ പറ്റുമെന്ന വിവരവും നൽകിയില്ല. ജൂൺ 20 ന് പ്രധാനമന്ത്രി വിദേശ യാത്രയ്ക്ക് പുറപ്പെടുകയാണ്. മുൻ മുഖ്യമന്ത്രി ഇബോബി സിങ്ങിൻ്റെ നേതൃത്വത്തിലാണ് പ്രതിപക്ഷ സംഘം പ്രധാനമന്ത്രിയെ കാണാൻ എത്തിയത്.

മോദി വടക്കുകിഴക്കൻ സംസ്ഥാനങ്ങളെ അവ​ഗണിക്കുന്നുവെന്ന് പ്രതിപക്ഷം കുറ്റപ്പെടുത്തി. മണിപ്പൂരിലെ പത്ത് പ്രതിപക്ഷ പാർട്ടി പ്രതിനിധികളാണ് പ്രധാനമന്ത്രിയെ കാണാനാണ് എത്തിയത്. മൂന്നു തവണ മണിപ്പൂർ തുടർച്ചയായി ഭരിച്ചത് മുൻ മുഖ്യമന്ത്രി ഇബോബി സിംങിൻ്റെ നേതൃത്വത്തിലാണ്. അക്കാലത്താണ് സംസ്ഥാനത്ത് ഏറ്റവും സമാധാനം നിലനിന്നിരുന്നത്. ഇറോം ശർമ്മിള നിരാഹാരം അവസാനിപ്പിച്ചതും അക്കാലത്തായിരുന്നു. പുതിയ സർക്കാർ വന്നതോടെ സംവരണ വിഷയം കൈകാര്യ ചെയ്തതിൽ ഭിന്നിപ്പ് ഉയർന്നു വന്നു.

നേരത്തെ തീവ്ര നിലപാടുകൾ പുലർത്തിയിരുന്ന, ഇപ്പോഴത്തെ മുഖ്യമന്ത്രി ഇബോബി സിംങിൻ്റെ സഭയിൽ മന്ത്രിയായിരുന്നു. പിന്നീട് കോൺഗ്രസ് വിട്ട് ബി ജെ പിയിൽ എത്തി. ഇതോടെ മുഖ്യമന്ത്രി സ്ഥാനം ലഭിക്കയായിരുന്നു.

കുക്കി നാഗ വിഭാഗങ്ങൾക്ക് ഭൂരിപക്ഷമുള്ള ചുരാചന്ദ്പൂർ ഹിൽ ആസ്ഥാനത്ത് മുഖ്യമന്ത്രിയുടെ ഒരു സ്വകാര്യ ജിംനേഷ്യം ഉദ്ഘാടന പരിപാടി നിശ്ചയിച്ചിരുന്നു. സംവരണ വിഷയം ഉയർത്തി കൊണ്ടു വന്നതോടെ ക്ഷുഭിതരായ ഗോത്ര വിഭാഗങ്ങൾ സംഘടിച്ചു. ഉദ്ഘാടനത്തിന് മുഖ്യമന്ത്രി എത്തുന്നതിന് മുൻപെ ജിംനേഷ്യം കെട്ടിടത്തോടെ തകർത്തു കളഞ്ഞു.

ഇതിനു ശേഷം ചുരാചന്ദ്പൂരിൽ ഗോത്ര സംയുക്ത സമിതി നിശ്ചയിച്ച പ്രതിഷേധ റാലിയിൽ ആക്രണം ഉണ്ടായി. ഇംഫാൽ താഴ് വരയിൽ ഇതിൻ്റെ പ്രതികരണം എന്ന നിലയ്ക്ക് ചെറിയ പ്രശ്നങ്ങൾ ഉണ്ടായി. മെയ്തെയികൾ ഭൂരപക്ഷമുള്ള പ്രദേശത്ത് പക്ഷെ പൊലീസും അധികാരികളും ആദ്യ ഘട്ടത്തിൽ ഫലപ്രദമായി ഇടപെട്ടില്ല എന്നാണ് ആരോപണമുള്ളത്. അടിച്ചു തീരട്ടെ എന്ന തുടക്കത്തിലെ നിലപാടാണ് മണിപ്പൂരിനെ മുഴുവൻ കത്തിക്കുന്ന നിലയിലേക്ക് വളർന്നത് എന്നാണ് പ്രദേശവാസികൾ പ്രതികരിക്കുന്നത്.

പ്രധാനമന്ത്രി എല്ലാവരുടെയുമാണ്- ഇബോബി

മണിപ്പൂർ കലാപം നിയന്ത്രിക്കുന്നതിൽ സംസ്ഥാന സർക്കാർ പൂർണ്ണ പരാജയമാണ്. മെയ് 3 മുതൽ മണിപ്പൂർ കത്തുകയാണെന്ന് മുൻ മുഖ്യമന്ത്രി  ഇബോബി സിംഗ് പറഞ്ഞു. മോദി എന്തുകൊണ്ട് വടക്കൻ കിഴക്കൻ സംസ്ഥാനങ്ങളെ അവഗണിക്കുന്നു. പ്രധാനമന്ത്രി എല്ലാവരുടെയുമാണ്. കലാപ ബാധിതരെ പ്രധാനമന്ത്രി നേരിട്ട് കാണണം.  മൂന്ന് ദിവസമായി ദില്ലിയിൽ തുടരുന്നു. പ്രതിപക്ഷ നേതാക്കളെ കാണാൻ തയ്യാറാകണമെന്നും പ്രതിപക്ഷം ആവശ്യപ്പെട്ടു.  

നുഴഞ്ഞു കയറ്റക്കാരാണ് മണിപ്പൂരില്‍ പ്രശ്നമുണ്ടാക്കുന്നതെന്നാണ് മുഖ്യമന്ത്രി ബിരേന്‍ സിംഗ് പറയുന്നത്. കേന്ദ്ര സംസ്ഥാന സര്‍ക്കാരുകള്‍ ഇടപെട്ടിട്ടും മണിപ്പൂരില്‍ അശാന്തി പടരുകയാണ്. ആഭ്യന്തര മന്ത്രി അമിത് ഷാ നേരിട്ട് എത്തിയിട്ടും നിസ്സഹായമായി. ഇതിനിടെ അസം മുഖ്യമന്ത്രിയെ ഇടപെടുവിച്ച് നിയന്ത്രണങ്ങൾക്ക് ശ്രമിച്ചു എങ്കിലും പരാജയപ്പെട്ടു. ഇടപെടൽ വിപരീത ഫലം ഉളവാക്കുകയും ചെയ്തതായും വിലയിരുത്തൽ ഉണ്ടായി. അസമും ഇതര വടക്കു കിഴക്കൻ ഗോത്രങ്ങളും തമ്മിലുള്ള ബന്ധം പോലം മനസിലാക്കാതെയാണ് ആഭ്യന്തര മന്ത്രി ഈ ഇടപെടൽ ശ്രമം നടത്തിച്ചത് എന്നായിരുന്നു വിമർശനം.