ചൂണ്ട

കണ്ട കാഴ്ചയിൽ തന്നെ,
അറിയാഞ്ഞതല്ല !
അറ്റത്ത് കുരുക്കുള്ള.
കൊളുത്തി നെ പറ്റി;
‘ചിന്തകൾ ശൂന്യമായ
നിമിഷാർദ്ധത്തിൽ
ഇരകാട്ടിയുള്ള പ്രലോഭനത്തിൽ
കയറി കൊത്തുകയായിരുന്നു.!

ചെകിളപ്പുവിലേയ്ക്ക് ചൂണ്ട-
കൊരുത്തു കയറി,
ജീവിതത്തിൽ നിന്ന് ,
പുറത്തേയ്ക്ക് വലിച്ചിട്ടപ്പോൾ
കരയിലെ ആരവത്തിൽ
ഒരു ജല സ്വപ്നം,
പിടഞ്ഞൊടുങ്ങുകയായിരുന്നു !

ചെറിയ നീരോഴുക്കുകളിലും
വലിയ കടലാഴങ്ങളിലും,
ഇര കോർത്ത ഒരു കുരുക്ക്,
കരയുടെ ആരവമൊളിപ്പിച്ച്,
തല തിരിഞ്ഞ ഒരു ചോദ്യചിഹ്നമായ്,
ഉത്തരമില്ലാതെ നിൽക്കുന്നു!